ليلة رومانسية على الطريقة الفلسطينية

من طرف **feras sholi** الجمعة مايو 15, 2009 4:39 pm

ليلة رومانسية على الطريقة الفلسطينية

*****كاسم و شفيكة

كاسم: ولك يا كردة شكلك ناسية انو مثل هاظ اليوم كبل سنتين كان اول مرة بشوف سحنـتك وبنحب بعض, يعدمني جدوكك(خدودك) شو ناسية؟!

شفيكة: والله جد ولك تفو عليك شو بحبك , بعدك متذكر يا مكلعط؟

كاسم : هووووه , هو الي بشوف هالشكل الي بكطع الرزكة بنساه؟

شفيكة: هاهاهاهاهاهاهاها يلعن ابوك شو حكياتك حلوين وهاظ الي معلكني فيك , تتذكر اول مرة تلكينا ؟

كاسم: هههههههه هو انا بنسى؟ يوم ما حطتلك رجل وانتي ماشية مع امك وكلبتي على بوزك؟

شفيكة: ولك الله يكطعك شو رومانسي , كيف هيك تجرأت واتخذت هاي الخطوة الجريئة؟ جد انا بحب الشب المبادر والكلبو كوي

كاسم: يالله عاد هسه بدك تجبري راسي وتظلج تمدحي فيني؟ انتي كمان بزكتي علي يومها تتذجري؟ والله ما بنسى بزكتك وهي بتتدلى على وجهي وبتنزل شوي شوي , يومها عنجد عرفت انك بتحبيني ...

شفيكة: آه والله يا كسومتي انا ما بزكت عليك الا لأني بحبك.

كاسم: يا كلبي انتي

شفيكة: ههههههههههه ما بنساه, يلعن حرمك، لو كنت بحبك مرة صرت أحبك ألف مرة بعد هظاك اليوم, يوم ما اكترحت علي انو نتباطح والي ببطح الثاني 3 مرات هو اللي بنام عالارض والفايز بنام عالتخت .

كاسم: يالله يومها شو انبسطت , بس صحيت ثاني يوم مكسره عظامي من النومه عالارض .

شفيكة: ماهو يا كاسم انا بطحتك 5 مرات ..

كاسم: لا والله بس بطحتيني عالارض 4 مرات , آخر وحدة مش محسوبة.

شفيكة: كيف مش محسوبة بطحتك المرة الخامسة لما دعست على ركبتك، ناسي؟

كاسم: هووو هووو علينا ، خلص مو مشكلة يا ستي بطحتيني خمس مرات, هسه ما تظيعي علينا الاحتفال بهاي الليلة الي ما بتتعوض .

شفيكة: والله معك حق , خلص شو رأيك انا اليوم رح اخليها ليلة رومانسية بشكل.

كاسم: شو رح تعملي؟

شفيكة: انت ما عليك بس حظّر الشمع واشعله وسكر الظواو وهسه باجي .

وما ان اشتعل الشمع الا وخرجت شفيكة من المطبخ حاملة صحن كبييييييير مجدرة, رغرغت عيون كاسم وإنغمرت بالدموع فرحاً, حمد ربه ووعد شفيكة بأن يبقى مخلصاً لها

وبكيو على الطاولة يأكلون المجدرة لأخر الليل, ويقال انهم الى الان بياكلو بالمجدرة !!!!

[center][b][i]

من طرف **moeenswalha** السبت مايو 16, 2009 8:35 am

شو هذا يا فراس دول ناس اخر انبساط على البهادل
ههههههههههههههههههههههه
بس اوعه دير بالك يصير فيك هيك
ههههههههههههههههههههههههههه
شو ها القصه بكلماتها الابجديه الحلوة
تسلم واشكرك
على تواجدك معنا
واتمنى منك التواصل
جزاك الله خيرا

ليلة رومانسية على الطريقة الفلسطينية

ليلة رومانسية على الطريقة الفلسطينية

رد: ليلة رومانسية على الطريقة الفلسطينية